【遊猿攻略組】《Pokémon 太陽/月亮》一周目地道爆機指南!(最終回)
November 18, 2016 Share

【遊猿攻略組】《Pokémon 太陽/月亮》一周目地道爆機指南!(最終回)

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 

【第六章 波尼島】 【最終章 阿羅拉聯盟】

【最終回 阿羅拉聯盟】

上回提要,主角左召喚封面神,借助佢力量入左究極洞穴,所以係時候行到盡頭做正經野,拯救阿羅拉!不過係行到盡頭之前,見到更加痴線既古茲馬,因為佢比UB01附左身,失去晒戰意,所以露莎米奈已經覺得佢價值,但廢話唔多講,直接打大魔王!露莎米奈會同UB01(虛吾伊德)合體,所以對戰時佢既小精靈全部帶有霸主狀態,全部50lv,妖精屬性偏多,自己執生,建議練隻毒系或者識毒攻既打殘佢。

p59

未合體前都無咩野

p60

真係估唔到佢已經走火入魔,唯有打!

打低左同UB01合體既露莎米奈變得好虛弱,但正路唔會咁易死,而新一任島嶼女王哈普烏及時趕到,叫古茲馬即刻送露莎米奈落山急救,呢個時候封面神希望以強大精靈既身份繼續同莉莉艾一齊冒險,但莉莉艾都係唔想做訓練員,所以希望佢跟住主角,因此劇情需要,一定要同封面神戰鬥,一定要收服佢,唔小心錯手打死佢可以再打,直到收服佢為止……為左打聯盟,都係捉吧啦。捉完默丹又黎左,話博士之前話想起聯盟已經起好左,叫主角起行去挑戰。

p61

由於莉莉艾唔想做訓練員,主角又劇情強制要捉神獸

p62

其實四大天王係揀返四個島嶼之王咁濟,但無佢份


【大大考驗?四大天王!】

話說到左卡噗村行返果條路就可以準備上山挑戰聯盟,不過呢個時候格拉吉歐會挑戰主角,算啦,拿拿林打贏呢位宿敵上山,畢竟山上面仲有個送經王哈烏等緊!順帶一提,入冰洞果陣記得係右邊拎埋粒冰Z結晶先出去,好黎好去嘛~而且聯盟前面間小精靈中心已經係最後補給點,唔知佢係咪趕住起既關係,一穿過門口有兩位精英訓練員把守既門口就係正式挑戰聯盟,無得返轉頭。

p63

記得執埋粒冰Z結晶先好走

p64

博士又想當年,但輸比小渡

終於黎到一週目既尾聲,打四大天王都係選擇制,即係可以按戰略而揀左打邊個屬性既天王先,分別由左至右起:格鬥系、岩系、幽靈系、飛行系。飛行系果個係新面孔,不過體驗版就有提佢打高爾夫球好勁所以先唔係阿羅拉地區,而幽靈系果位就係阿塞蘿拉,主要係因為默丹低調,所以想交比佢代替佢位置,四天王精靈等級平均lv 54,但講真,博士其實跟埋入黎真係有原因既……

p65

又係自由揀房打

p66

默丹交付左四天王之位比阿塞蘿拉

p67

有玩體驗版留意NPC講既野就會識佢

當戰勝完四位天王之後,啟動左聯盟中間既傳送裝置,到底最後邊個等住大家呢?但好奇怪,主角一入黎見到張冠軍位就可以即刻坐……突然博士又神出鬼沒咁出現話主角依家已經係聯盟冠軍,不過係之前仲要打贏一個人先,果個係爛GAG王哈烏?唔係,而係皇家蒙面人-庫庫伊博士!不過講真同博士戰鬥既設定係第一世代已經有,但變左廢案,唔用bug都唔知有個咁既最終大佬設定,點都好,簡單介紹一下好搶戲既博士精靈隊伍:57lv鬃岩狼人、56lv自爆磁怪、56lv九尾(阿羅拉版)、56lv卡比獸、56lv勇士雄鷹,最後係58lv剋主角屬性既御三家。

p68

博士起聯盟都係想自己做冠軍姐

p69

但估唔到佢係最終大佬……

p70

眼鏡都除埋,動真格咁款

p71

估唔到咁就初代冠軍

一週目爆機之後,會舉行祭典,但莉莉艾會話比主角知一開始相遇整爛左果條吊橋已經整好,不妨去搵下守護神,而守護神都因為同封面神心靈相交,所以係無Save既情況觸發戰鬥,萬一大家唔小心打死左守護神都唔緊要,因為之後可以再認真去捉返,主要係比主角先行入手4位守護神專用既卡璞Z結晶為主。

p72

劇情強制接住落,無得save

p73

打死左佢都唔緊要,之後再去遺跡就OK

Share to Facebook