真係全部走晒樣?《Pokémon 太陽/月亮》阿羅拉型態精靈逐個睇!
November 23, 2016 Share

真係全部走晒樣?《Pokémon 太陽/月亮》阿羅拉型態精靈逐個睇!

阿羅拉~除左係今集既地方名,都係打招呼既意思,其實同現實中夏威夷既「Aloha」一樣,一開始就講廢話,其實都代表呢篇野廢廢地,單純係比大家粗略知道點解第一代少部份精靈係阿羅拉會出現所謂既「阿羅拉型態」同埋有無走到樣咁大把,再順帶當做個集成,比大家睇返相應既攻略文章咁大把。(注:本文精靈名跟任天堂官方譯名)


【Facebook討論區】

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

【主線攻略】

第一章   美樂美樂島】 【第二章   阿卡拉島】 【第三章   以太樂園
【第四章 烏拉烏拉島】 【第五章 以太基金會的黑暗】
【第六章 波尼島】 【最終章 阿羅拉聯盟】

【實用資料】

【圓慶廣場連線全攻略】 【二周目究極異獸流程】

【瑪機雅娜入手方法】 【四島守護神捕獲方法】

【重點冒險心得合集】 【今代實用精靈推薦】

【阿羅拉型態精靈簡介】 【100粒細胞位置全覽】


一開始鳳王都比人拉埋落水黎講笑

一開始鳳王都比人拉埋落水黎講笑

老實講,抵成也‧大木比人笑埋一份,其實好多解說都出自佢把口

老實講,抵成也‧大木比人拎埋黎講笑,畢竟好多解說都出自佢把口


【小拉達與拉達】

屬性:惡+一般

屬性:惡+一般

屬性:惡+一般

屬性:惡+一般

屬性轉變:一般→惡+一般

入手方法:晚上美樂美樂島一帶(基本上都係家門野)

實用度:★★☆☆☆(一般般)

美觀度:★★★☆☆(未進化有少少似魯迅,一進完就好似暴飲暴食既肥仔咁)

轉變原因:

當小拉達係阿羅拉地區大量出現既時候,人類決定引進貓鼬少以抵制小拉達既數量,而小拉達們為左避開貓鼬少而改變左生活圈子同習性,改為夜行性以避開日間活動既貓鼬少。


【雷超(雷丘)】

屬性:雷+超能力

屬性:雷+超能力

屬性轉變:雷→雷+超能力

入手方法:經由阿羅拉當地比卡超再用雷之石進化

實用度:★☆☆☆☆(一般,因為弱點仲比之前多左……)

美觀度:★★★★☆(咁樣我認為就好睇過之前既)

轉變原因:

(推測)由於阿羅拉當地流行水上活動,所以雷超(雷丘)都想好似識衝浪既比卡超咁衝埋一份,但可惜佢都係唔識得衝浪,唯用將條大大既尾巴幻想做滑浪板黎行動,再加上當地食物關係,因而獲得超能力,咁岩自己又叫雷超,所以識用雷同超能都好合理。對於阿羅拉地區雷超改變樣子既真正理由,研究者亦毫無頭緒。阿羅拉地區既居民就完全唔在意,仲話:「唔係因為食左啲鬆餅同Pizza太多先咁咩?」


【穿山鼠+穿山王】

屬性:冰+鋼

屬性:冰+鋼

屬性:冰+鋼

屬性:冰+鋼

屬性轉變:地面→冰+鋼

入手方法:在雪山外圍捕捉,再用冰之石進化(月亮版),冰之石可以係魄鎮搵到一粒

實用度:★★★★☆(算係好左唔少)

美觀度:★★★★☆(唔錯,背部變左冰刺之後幾有型)

轉變原因:

穿山鼠本來居住於沙漠地帶。但是由於附近既火山屢次爆發,因此離開沙漠遷移到雪山之上,然後變成依家呢個「阿羅拉的樣子」,所以同六尾一樣都係南國熱帶地區出現既冰屬性小精靈。


【六尾+九尾】

屬性:冰

屬性:冰

屬性:冰+妖精

屬性:冰+妖精

屬性轉變:火→冰+妖精

入手方法:在雪山外圍捕捉,再用冰之石進化(太陽版),冰之石可以係魄鎮搵到一粒

實用度:★★★★★(超好用,龍系剋星)

美觀度:★★★★★(又勁又靚,冰山美人一樣)

轉變原因:

六尾雖然同人類一齊遷居到阿羅拉地區,但據說為左避開其他小精靈既生活圈子而生活改係雪山上生活,然後變化為「阿羅拉的樣子」,所以同穿山鼠一樣都係南國熱帶地區出現既冰屬性小精靈。


【地鼠+三地鼠】

屬性:地面+鋼

屬性:地面+鋼

屬性:地面+鋼

屬性:地面+鋼

屬性轉變:地面→地面+鋼

入手方法:阿卡拉島地鼠洞

實用度:★★★☆☆(防禦點算係高左,而新既捲髮特性都唔錯)

美觀度:★★★★☆(多左啲「頭髮」之後幾有趣)

轉變原因:

阿羅拉當地可以搵到好似頭髮一樣既玻璃質岩石,因此地鼠被當地泥土而影響生長搞到多左啲觸鬚,出現「阿羅拉的樣子」,所以地鼠既頭髮其實係帶有金屬質感既觸鬚,而呢啲觸鬚都係用黎調查周圍既感應器或者作同伴間溝通之用


【喵喵+貓老大】

屬性:惡

屬性:惡

屬性:惡

屬性:惡

屬性轉變:一般→惡

入手方法:美樂美樂島一帶(家門野)

實用度:★★☆☆☆(比之前多左唔少戰鬥力)

美觀度:★★★☆☆(未進化之前都算幾好睇,進左化塊面發福)

轉變原因:

喵喵怪一開始都唔係阿羅拉地區中棲息,而係從其他地區作為進貢比王族既禮物,所以只有少數人可以擁有佢。而因為係獻比王族既喵喵怪,據說係過著奢侈和嬌生慣養的生活期間,性格變得任性而高傲,所以發展成「阿羅拉的樣子」,而阿羅拉地區既貓老大圓圓既臉孔都係資源豐富既阿羅拉象徵。


【小拳石+隆隆石+隆隆岩】

屬性:岩石+電

屬性:岩石+電

屬性:岩石+電

屬性:岩石+電

屬性:岩石+電

屬性:岩石+電

屬性轉變:岩石+地面→岩石+電

入手方法:地熱發電廠外圍

實用度:★★★☆☆(少左啲弱點,唯一比人打4倍既得返地面屬性)

美觀度:★★☆☆☆(多左啲毛成個致命復活郭晉安咁,如果你粒小拳石係女仔既話就好怪下……)

轉變原因:

(推測)身上應該有成也‧大木提及過既「好似頭髮一樣既玻璃質岩石」,而因為生活地變左係發電廠外圍,長期食電氣石而吸收左電力,因此外觀出現左變化,而且仲可以發電,變成依家既「阿羅拉的樣子」。


【臭泥+臭臭泥】

屬性:毒+惡

屬性:毒+惡

屬性:毒+惡

屬性:毒+惡

屬性轉變:毒→毒+惡

入手方法:烏拉烏拉島垃圾收集站附近草叢

實用度:★★★★☆(多左惡屬性之後感覺勁左唔少)

美觀度:★★☆☆☆(比網民認為係小學生填色比賽得出黎既作品)

轉變原因:

由於阿羅拉地方污泥比較少,而人口亦不斷增加,垃圾問題同樣日漸嚴重,所以臭臭泥改為進食垃圾為生,而因為不斷進食各式各樣既垃圾及人造物,所以毒素堆積係體內令外觀出現異變,變成「阿羅拉的樣子」。而果啲毒素透過化學作用產生變化,繼而製造出全新的毒素。由於會係體內製造並儲存毒素,所以同以往唔同,即使靠近亦唔會有令人厭惡既氣味出現。


【椰蛋樹】

屬性:草+龍

屬性:草+龍

屬性轉變:草+超能力→草+龍

入手方法:經由阿羅拉當地的蛋蛋獸用草之石進化(當然亦可以係主線劇情果陣收服)

實用度:★★★☆☆(多左龍屬性之後算係勁左,雖然弱點都係算多)

美觀度:★★★★★(對唔住我係《全職獵人》Fans…...實在太有大岡Feel啦)

轉變原因:

全年受到猛烈陽光照射下既阿羅拉地區環境,導致體型產生左變化,出現「阿羅拉的樣子」。 而阿羅拉地區既居民都以阿羅拉地區既椰蛋樹為傲,同埋呢個高度先係真正作為「樹」,而唔再係「獸」(椰樹獸)。


【嘎啦嘎啦】

火+幽靈

火+幽靈

屬性轉變:地面→火+幽靈

入手方法:經由阿羅拉當地的卡拉卡拉係晚上升到28lv

實用度:★★★☆☆(多左幽靈屬性算係唔錯)

美觀度:★★★★☆(骨棒有鬼火,自己又黑色埋,型左)

轉變原因:

由於阿羅拉地區棲息住好多作為天敵既草屬性小精靈,對於卡拉卡拉同嘎啦嘎啦黎講呢個係十分嚴酷既生活環境。因此佢地就以強烈既團結心集結並一齊生活,據說從對夥伴既情感中獲得左同神靈感應相近既感應,同時由於阿羅拉當地火山流行跳火舞,所以有骨棒既嘎啦嘎啦就跟左卡奇隊長一齊跳火舞,最後跳下跳下連個樣加埋支骨棒都變埋,所以就出現左呢個「阿羅拉的樣子」,根據圖鑑說明,支骨棒其實都係媽媽既骸骨,而媽媽其實就係化成鬼火黎守護住佢,最後先變左火同幽靈屬性。

Share to Facebook