【地道式劇透】《人中之龍6 生命詩篇。》第九章-失蹤
December 11, 2016 Share

【地道式劇透】《人中之龍6 生命詩篇。》第九章-失蹤

續上回,桐生收到電話得知廣瀨老爹同遙人一同唔見左,所以一準備好就可以即刻返去廣島調查一番,順帶查出遙人真正生父到底係邊個。

一返到廣島之後,得知小清水帶人搵緊遙人同老爹,所以就算係本家既人,兩位小弟都唔會留手,幫大哥解決佢地,隨後又去到間小酒館集合。

而大家都開始猜測緊老爹失測既原因,而清美都話老爹趁佢出去買煙返黎比佢果陣借機會抱住遙人走左,但留底左錢同電話係鋪,證明唔係比人捉走,似乎有心想收埋自己唔比人搵到。

而期間桐生都提起染谷,令清美都講返啲往事,畢竟清美其實係染谷既前妻,講返以前清美係東京做緊小姐果陣,遇上個麻煩人,被逼欠下巨債,但染谷就直接將條友解決,順帶表白,當然唔小得霸道咁放閃啦。

不過可惜染谷個人越黎越深入黑道,對清美既態度都變差,清美忍受唔到就希望帶埋個女離開,不過最後又比染谷搶返個女,仲郁手打埋佢,令清美覺得自己無做媽媽既資格,但呢個時候大兵長南雲就講出好激勵人心既說話,最後令清美從心底入面感謝。

劇情過後大家都開始行動,同小弟傾過下,討論老爹可能出現既地方,不過其實最有線索既地方就係廣瀨一家到,由於鎖左門,直接由左邊爬上去調查,發現唔同既野,除左發現老爹同來栖好熟之外,仲發現一個火柴盒,於是桐生就去左老爹成日去既鋪頭到,但已經有人負責傳話,似乎一早就知道桐生一定搵到黎咁,最後就知老爹係神社等緊。

不過正準備上神社搵老爹之際,小清水已經快一步係到等緊桐生,反正刀都拎埋出黎,唔洗問又係打,打完之後,南雲就趕到黎收尾執雞,諗住一野從後扑暈佢,不過桐生多口搞到小清水最後一刻都見到南雲下手,而呢個時候,老爹都抱住遙人行左出黎。

而老爹一行出黎都話唔洗叫醒小清水,反正佢知道既只係碎料,真正知道最多既都係老爹本人,所以最後大家入晒神社入面坐底慢慢聽故仔,而舛添條友又出現,但今次佢係出黎只係求情,因為做雙面間諜既佢已經無路好走。到底遙人既真正生父會係邊個,搞到咁大影響力呢?

【待續】

下一章:血之戒律