【地道式劇透】《人中之龍6 生命詩篇。》第五章-蒙面
December 11, 2016 Share

【地道式劇透】《人中之龍6 生命詩篇。》第五章-蒙面

接續上回,講到南雲講出真話,不過知道事情最多既人其實係清美,因此建議桐生直接搵佢了解更多詳情,包括遙人親生父親既身份。

a1

點都好,既然同廣瀨一家班人真係熟左,佢地又唔係討厭遙人呢個BB(最少作為玩家既我唔想哄佢),一開波就交比佢地慢慢玩下個B,而桐生都同清美約好黃昏係山頂上面單獨見面慢慢講清楚。

a2

既然未到黃昏,自然就需要你強制去做下野觸發劇情啦,當然呢段時間你鍾意慢慢做支線都可以,反正你一日唔行到果個指定位置都唔會有劇情發生,但一系列支線遲下一次過講,依家返正題講主線,行到十字路口會發現一個叫阿城既比兩條MK仔圍踢緊,作為正義主角桐生當然又要出手相救啦!

a3

當打完兩條MK仔之後,佢地就響朵話自己係JUSTIS既,而JUSTIS呢個朵係神室町果陣就碰過一次頭,不過MK仔野桐生果時又點會介入丫?所以呢個阿城就解釋一下來龍去脈,話當初搞呢個JUSTIS既組織係為左團結對付惡勢力,但到後黎坐大左就自己都變成惡勢力,於是創辦人之一既阿城就退出,結果比人追殺。

a5

所以就搵左間餐廳做據點(個老闆真係即時話唔識佢地),係幫阿城治療既同時,出去左買藥既妹妹比JUTSIS既人捉左,於是阿城希望桐生出手幫佢地,但幫既方法竟然只係好似玩塔防遊戲咁做指揮……

a6

呢種其實就類似你《人中0》經營不動產同夜總會咁,要持續打,然後又走左啲頭目出黎咁樣樣,而行街都果陣就可以去收小弟增加戰力等等,搞咁多野之後,最後其實都要桐生親自出手打埋一份,打完就由桐生諗名,創立左「桐生會」,但比個人吐槽好似黑道名,不過我就認為叫「桐生組」反而更似,始終好似扮到係東城會分出黎咁嘛!

a7

完成劇情成為真正既大佬之後,時間就到左黃昏,都係時候按照約定坐纜車上山頂搵清美,但正當要講到遙人生父身份既時候,染谷連埋成班人馬突然出現,不過就唔洗打,單純又係串串供咁姐,最後唯有返去廣瀨一家先。

a8

但到步果陣突然飯野就衝左入黎話清美比人捉走左,南雲當然緊張起上黎,於是決定衝去迎賓館救清美,不過諗到可能比人認得出既時候又縮左一縮,呢個時候老頭廣瀨又好幽默咁話以前見到唔順超既人都係戴住頭套打佢地一身,所以一人一個頭套,再著到好似個賊咁,符合返章節標題,睇個地圖相討一下作戰會議,準備好就可以出發,畢竟要打既人都真係幾多下。

a9

到步之後,雖然敵人眾多,不過有班小弟係到,點都叫有啲用既,由於係順住去,所以每一個房間都一定要搵清楚先可以繼續行,同埋得閒可以留意下啲位會有精力飲料執,當行到大澡堂既時候,由於桑拿房太熱,搞到南雲除左頭套,於煙霧後面等住桐生既正正就係染谷,但染谷唔打算係到應戰,於是追佢追到上5樓,辛苦打完一堆肥佬之後終於同佢打,不過從佢背部發現佢係無紋身既,睇怕都無做最終Boss既料……所以戰鬥上都係拎身邊啲傢具砌佢就可以。

a10

同染谷打完之後,發現清美其實只係同人食緊飯,似乎成件事係有人想引桐生黎,不過在旁南雲聽到真相都好似失戀咁,畢竟自己心愛既女人同人結過婚仲生埋女,難免情緒低落既,但呢個搞笑既小弟就唔好理佢住,重點今次出現既陽銘聯合會會長來栖猛(巖見兵三)同佢個仔巖見恒雄終於露面,其實目的自然係想希望同東城會結盟,希望「堂島之龍」桐生一馬做見證人,不過桐生堅決拒絕,當然,拒絕下姐,就唔洗又打既,大不了兇一兇話唔同你結盟就可能同近江聯盟結,但點都好,清美最後安全返到去,即係遙人父親既身份終於要曝光……

a11

【待續】

下一章:足跡