【地道式劇透】《人中之龍6 生命詩篇。》第六章-足跡
December 11, 2016 Share

【地道式劇透】《人中之龍6 生命詩篇。》第六章-足跡

續上回,「救」出左清美之後,大家返到廣瀨一家到自然沉默起黎,老爹當然仲幽默咁問下個頭套有無用,但搞完氣氛之後係時候入正題,清美都要講出遙人既生父係邊個。

事緣係咁,有一日清美做緊野果陣,無意中聽到出面一個叫達川既令仔係外面講電話,話要「落左佢」,而佢對上一年前就離開左廣島去神室町果邊,因此係勇太怨言過後,南雲就提議要跟桐生一齊去,當然,勇太一番怨言過後都希望一齊上路啦。

當準備返去小屋好好訓一覺之際,果個叫阿城既MK仔突然又衝出黎話到左神室町又有新計劃,希望到時又搵下佢咁,但主線真係又咁岩要撞下佢,到時再算,先休息出發。

到步後,三個男人都會換左衫,而南雲果頭講完唔可以比人睇死佢係鄉下佬,轉過頭就拎支煙仔出黎食,當然比桐生喝一喝住,而勇太都不忘串咀一下,最後決定企定食完支煙仔就去附近咖啡室坐底慢慢傾之後行程。

係咖啡室坐底之後,三個人貪平只係叫左一杯芭菲,然後勇太突然醒起田頭提及過達川條友成日post相上社群網絡到,所以問桐生借左部手機黎搵達川出黎,發現佢做男公關做到左右逢源,於是桐生就決定去星塵到搵雄哉同一輝(佢地係第一集就認識),而勇太因為食晒成杯芭菲肚痛,搞到要搵廁所,中間都有係便利店留意大吾真係要慢慢坐監,但最後星塵出面既看門狗就話鋪頭入面無雄哉同一輝呢兩條友,呢個時候,雄哉就咁岩路過出現。

雄哉一露面果陣,換左件認真既老西,戴左副斯文眼鏡,但雄哉塊面仲係咁腫脹……直至除左副眼鏡桐生先認得佢,到底桐生大叔有無好好記得朋友個樣架?(而一輝本人今集無露面)隨後佢地就去左食燒肉,而勇太都終於去到廁所,真係辛苦佢,段路咁長都可以忍到咁耐,其後雄哉就交代係韓國人用大量現金將星塵買左,而一輝就努力緊準備將星塵買返返黎。

正當大家仲吹緊水之際,一個白頭仔同岩岩隻看門狗一齊入左燒肉店,原來呢條泡菜仔正正真係現任星塵既老闆韓俊基,佢自我介紹過後,就將岩岩隻看門狗塊面推落個爐到黎個面部燒肉,以懲罰佢岩岩既不敬,之後就以自己係Fans為理由邀請桐生到星塵一轉大家慢慢傾下。

不過原來呢個泡菜仔韓俊基唔係老闆咁簡單,原來係韓國真拳派既人,傳聞就話佢地煽動東城會同祭汪會既鬥爭,正當桐生想要去星塵既時候,無啦啦有一大班講韓文既人要追殺佢地,唔洗問一定就係真拳派既人,但明明果頭韓俊基先打完招呼黎,點都好,人多都要打既,隨後有增援出現既時候,就係兩位小弟幫大哥分膽下既時候,自然就叫桐生自己去星塵搵韓俊基先。

到左星塵之後,就得韓俊基一條友係到等緊,而勇太都比「失戀」既南雲使開左趕到,不過韓俊基就表示又會好好「管教」一下班小弟,始終係《人中2》既時候桐生將真拳派打殘,令到殘黨都好憎佢,但唔理點都好,最緊要知道達川既情報,所以韓俊基就希望桐生同佢係班囡囡客人面前打返一場架,而桐生就拒絕,結果要勇太主動答應同佢打,但勇太無死亡筆記係手所以比韓俊基打到殘,到頭黎都係要桐生出手……辛苦了,給開司一罐啤酒。

同韓俊基打完之後,佢班小弟就用刀挾持住勇太,但韓俊基就話咁樣好無體育精神,會令佢同桐生開戰之前講既野唔算數,所以佢地都放左勇太,最後都找埋數,講出達川已經離左職,仲話佢其實係識講普通話,勇太都表示達川的確教過佢同田頭講,但可惜佢同桐生之間都係互相套料,大家既語氣都唔太友善。

即係達川其實表面係做男公關,實質上係加入左祭汪會到做情報販子,仲話佢間唔時帶住啲囡囡返屋企,而佢住果到咁岩就係遙被車撞既附近,既然咁巧合,桐生一定要踩上去問個清楚。

而果頭表現到相當友好既韓俊基,係桐生離開左之後都嬲到一手渣爆左個酒杯,似乎仲有好多野收收埋埋……而桐生同勇太到達後,南雲都輕鬆咁到達約定地點,但又比勇太吐槽身上好似沖過涼咁,其實係自己一個人去左玩。

但點都好,最後都要踩上去搵達川,於是南雲吩咐勇太開門先,但發現門無鎖,一打開門就發現兩具屍體,而其中一具當然就係達川本人架啦,點解達川死相會咁慘呢?

【待續】

下一章:黑孩子