【地道式劇透】《人中之龍6 生命詩篇。》第十一章-老爸與兒子
December 12, 2016 Share

【地道式劇透】《人中之龍6 生命詩篇。》第十一章-老爸與兒子

續上回,公開完遙人真正既生父秘密之後,係時候都要同祭汪會最後黎個了結,畢竟都係因為佢先搞到遙人陷入危險。

同老爹傾完計,都係時候返小屋休息,準備第二朝出發去神室町,而勇太都希望跟埋去,所以都盡訴心中情,話自己唯一既死黨得達川,所以比佢踢左入會,但廣瀨一家令佢真係有「家」的感覺,所以佢都幾滿意。

而勇太同遙一齊,都係因為大家身世差唔多,所以先互相吸引住一齊左,不過意外既然都發生左,所以勇太都盡爸爸責任,希望解決祭汪會,等遙人唔會再有事。

第二朝到廣瀨一家知會一聲就出發去神室町,強調南雲唔洗跟黎,畢竟佢執雞一事都奶奶地野,同時得知大煩人舛添死法同韓俊基一樣,都係比人一槍爆頭,但浮屍係海上。

一到步當然直接去新瑟雷娜坐底慢慢傾,而伊達當然都問有無好好教訓呢位真正既親生老豆,吹水期間,勇太話希望出去打個電話去祭汪會果邊先,但其實借機會一個人走左去,後門亦只留低一部電話。

呢個時候鏡頭一轉係勇太好似醉酒佬咁,講住普通話,好似「我爸是李剛」一樣咁直接要求見郎老大,但面口既守衛都守唔到佢太多,最多只係確認到佢手持既係酒,但其實佢腰間既係汽油……所以佢成功入到去同郎老大講數。

而桐生都係時候出發,差唔多到亞細亞街果陣,發現好多人衝出黎逃難,同一時間都收到南雲既電話,話佢留低左遺書,想同祭汪會攬炒,所以桐生都要殺到去最入救佢,唔比佢做傻事。

打完一堆人之後,艾德又唔怕死咁衝出黎阻止桐生,睇黎似係有心想郎老大燒死咁……點都好,照同呢個生得勁似利沙華既肥佬打,打完桐生就話唔想燒死就快啲走,總算殺到最入。

而企係到生勾勾等緊桐生既當然係勇太,而郎老大已經比勇太打到爆晒肛,回憶期間都話佢仲係唔明白發生緊既事,亦其實可能係天下父母心,郎老大都無還過拖,畢竟勇太身上唔見有傷痕。

至於勇太一心求死既想法,桐生一定唔同意,主要係唔想遙人無左個爸爸,可能更重要既係唔想破壞自己既無殺人紀錄,於是唯有用佢一雙殺唔死人既拳頭「請」勇太離開,不過都好既,就當同祭汪會既未來繼承人(雖然佢死都唔肯做)黎場最終決戰。

雖然已經黎到劇情既尾聲,但勇太都唔難打,反而QTE係救佢一命,不過我無試過失敗係點,但由佢,總之桐生既拳頭係唔會打死人,就算現場咩環境都一樣,總之打贏佢就唔會死。

由於所有人都要活住離開,所以郎老大出到黎都話自己最後都比「血緣」呢樣野綁住而害死自己,然後又準備解釋目前發生既事。

郎老大話真正搞事既人其實係廣瀨,畢竟知道遙人生父既都係佢,正所謂「薑係越老越辣」,特別係由北野武去演出,其實之前廣瀨仲偷偷地帶住遙人單人匹馬咁入去搵郎老大講數。

當時廣瀨手上只有一把槍,仲開出條件話可以令勇太乖乖地坐繼承人呢個位,但就算郎老大當時身邊有人保護住佢,最後都逼住要答應廣瀨講既要求,到佢離開之後仲流埋冷汗,可見廣瀨呢舊「老薑」相當有霸氣。

而郎老大都話,舛添並唔係佢搵人殺,而係廣瀨殺,即係意味韓俊基都係佢殺,畢竟都係一槍爆頭,而「尾道的秘密」即將會交由桐生去揭曉,到底會係咩黎呢?

【待續】

下一章:沉睡的巨人